SKAMMIST YKKAR !! SETJIÐ FYRIRTÆKIÐ Á MARKAÐ !!

Ég held að þessir menn sem eru að valsa með fé skattgreiðanda ættu að skammast sín. Komið er í ljós hvers vegna Vilhjálmur borgarstjóri lagðist með fullum þunga gegn samþykktri ályktun á síðasta landsfundi Sjálfstæðisflokksins sem lagði til að ríki og sveitarfélög losaði sig út úr eignaraðild að orkufyrirtækjum. Hann var með þessi ósköp í pípunum að því er virðist nú.

Úr því sem komið er væri réttast að setja þetta fyrirtæki á almennan markað og gefa öllum kost, sem þess óska, að taka þátt í útrásinni og eignast formlega hlut þessu fyrirtæki. Ekki bara þann hlut sem við "eigum" í gegn um  opinbert eignarhald. Þegar alt kemur til alls höfum við almenningur ekkert að segja um þessi fyrirtæki í opinberri eigu. Afli þau tekna, er sá hagnaður notaður í óráðsíu og atkvæðakaup misviturra stjórnmálamanna, eða ofurlaun þeim til handa og kaupréttur á hlutabréfum á genginu "margfalt of lágt". Tapi þau þá er sá aur sóttur í hálftóma vasa okkar.

Samþykkt að endurskoða sölu á hlutabréfum í REI

Athugasemdir

[Sigurður Viktor Úlfarsson, 7.10.2007 kl. 02:10]

Reykjavíkurborg hefur sótt fé til OR.  OR hefur ekki sótt fé til Reykjavíkurborgar.

Þetta fyrirtæki er auðvitað varla komið af stað og áætlanir þær að það verði sett á markað þegar það er búið að sanna sig og öruggt að það hreinlega detti ekki upp fyrir.  Miðað er við að það gerist eftir ca. 2-3 ár. 

Þótt virði þessara hlutabréfa hafi hækkað í þessum viðskiptum undanfarna daga gæti það hæglega verið orðið að engu áður en þetta fólk fær að selja eftir 2 ár.

[Predikarinn - Cacoethes scribendi , 7.10.2007 kl. 13:27]

Orkuveitan hefur sótt það fé sem hana vantar hverju sinni í gæluverk stjórnaformanns síns í vasa neytenda í of háum orkugjöldum en þörf krefði ef ekki væri verið að sinna gæluverkefnum og atkvæðaveiðum eftir atvikum.  Þá hafa borgarfulltrúar (borgarsjóður) sótt fé á sama hátt til skattgreiðenda í gegn um hækkaða gjaldskrá umfram þörf vegna þess sem viðkemur rekstri orkuveitunnar.