FRÆNDI VOR - FORSETI BANDARÍKJANNA

Frændi okkar úr Skagafirðinum, Ronald Wilson Reagan, er sennilega einhver besti forseti sem Bandaríki Ameríku hafa alið. Sagan sannar það betur og betur.

Það er nú einhver munur að kalla mann sem á ömmu úr Skagafirðinum frænda okkar, frekar en þessir norðurlandabúar sem er sífellt verið að klína á okkur frændsemi við. Við erum ekkert skyld þessu fólki, nema fáeinir landar okkar svo sem Geir Haarde, Agnar Kofoed - Hansen (konunglegur leggur) og Helga Steffensen svo nokkrir séu nefndir.

Endilega hlífið okkur hinum við þessu frændsemistali. Kári í Vatnsmýrinni er búinn að skanna þetta af okkur, Guði sé lof.

Hafa fengið leyfi til að kvikmynda í Höfða

Athugasemdir

[Hallgrímur Egilsson, 26.2.2008 kl. 11:38]

Bæta við það sem Árni sagði... Amma hans Reagans var aldrei íslensk... Hún var írsk...

[Predikarinn - Cacoethes scribendi , 26.2.2008 kl. 12:39]

Ó þér fávísir. Það liggur nú einfaldlega fyrir fæðingarvottorð ömmunnar, og til í ljósriti ættfræðinga. Þetta var blaðamönnum Bandarískum, sem voru hér viðstaddir leiðtogafundinn, kunnugt um. Jú jú, hann á einnig írskar ættir sem liggja að honum, en lengra aftur.

[Gunnlaugur B Ólafsson, 26.2.2008 kl. 13:43]

Ronald er í einhverjum íhaldskreðsum ofmetnasti kúreki allra tíma, en pólitískt afskaplega vitrannur og lagði fátt nýtt til heimsmála annað en áætlun um eldflaugavarnir. Blessuð sé minning hans, en ég vona að ég sé ekki skyldur honum. 

[Gunnlaugur B Ólafsson, 26.2.2008 kl. 13:44]

...vitgrannur ...

[Hallgrímur Egilsson, 26.2.2008 kl. 13:50]

ó, þér fávísir...

Móðuramma Reagans hét Mary Anne Elsey, dóttir hjónanna Robert Elsey og Mary Baker... hin langamman í móðurleggnum hét Jane Blue og móðir hennar var Catherine McFarilain... Enginn íslenskur leggur þar...

Föður amma hans hé tJennie Cusick dóttir hjónanna Patrick Cusick og Sara Higgins... Hin langamman í föðurleggnum var Catherine Mulcany og móðir hennar var Margaret Murphy... Enginn íslenskur leggur þar heldur...

Ég man ekki betur en að þetta hafi verið upphaflega verið grín af hendi bandarísks blaðamanns...

Nema þú sért að tala um að einhver íslenskur víkingur hafi sængað hjá einhverri langa-langa-langa-langa-langa-langa-langa-langa-langa-osfrv. ömmu hans

[Predikarinn - Cacoethes scribendi , 26.2.2008 kl. 14:02]

Hallgrímur Egilsson : já já, það er mjög viðkvæmt, sérstaklega áður fyrr, að forsetinn væri ekki al-bandarískur. Það hefur aftur á móti þótt fínt að vera írskur í 9-15 lið, en ekki að vera útlenskur að 25 % til, eins og frændi okkar úr Skagafirðinum. Þess vegna var þetta svona "hush hush" mál meðal blaðamanna Bandaríkja Ameríku á meðan á forsetatíð Ronalds stóð.

Oddur Helgason á ORG ættfræðiþjónustu á, meðal ótal annarra, afrit af skjölum þessu öllu tengdu.

Gunnlaugur B Ólafsson : Þú sýnir ótrúlega fáfræði á menntun og störfum Ronalds, sem og pólitískum hæfileikum hans.

[Hallgrímur Egilsson, 26.2.2008 kl. 14:09]

Hvort sem ORG á ótal skjöl þessu tengu þá eru engin ættfræðitengsl á milli Íslands og Ronalds... Sorrí

[Predikarinn - Cacoethes scribendi , 26.2.2008 kl. 14:32]

Hallgrímur Egilsson : Ekki nema það að skjölin sanna tilvist skagfirskrar ömmu Ronalds W. Reagan.......Sorrý

[Hallgrímur Egilsson, 26.2.2008 kl. 17:37]

Skjölin eru greinilega ekki í samræmi við ættartré Reagan fjölskyldunnar...

[Predikarinn - Cacoethes scribendi , 26.2.2008 kl. 18:10]

Árni Guðmundsson : Þú talar af mikilli vanþekkingu. Þú gleymir því að þegar Ronald tók við embætti þá var hnetubóndinn Carter búinn að kollkeyra efnahag Bandaríkja Ameríku þvílíkt að einhver mesti halli sem sést hefur á fjárlögum þar vestra blasti við, að sósialista sið. "Reaganomics" voru talin eitthvert mesta óráð enda um geysilegar skattalækkanir að ræða bæði á fyrirtæki jafnt sem einstaklinga, en Reagan hélt sínu striki og rétti skútuna á stuttum tíma.

[Agný, 1.3.2008 kl. 23:24]

Svei mér þá ef er ekki sama fjósafýlan af þeim öllum...En skafirsk,eyfirs eða þingeysk  fjósafýla...vonandi ekki...

[Sigurður Þórðarson, 9.3.2008 kl. 23:05]

Þakka þér kæri prédikari fyrir afar góð innlegg í flugvallarmálinu. Guðsteinn sem er á öndverðu meiði við okkur beitti Biblíunni óspart í röksemdafærslu, en þar er ég illu heilli ekki á heimavelli.  Reyndi samt mitt besta meira af vilja en mætti.

Er amma Reagans virkilega úr Skagafirðinum?

Hver var amma hans? 

[Rósa Aðalsteinsdóttir, 23.3.2008 kl. 21:51]

Christian Glitter by www.christianglitter.com

Sæll Predikari
Gleðilega páska
Kær kveðja/Rósa

[Helga Guðrún Eiríksdóttir, 5.4.2008 kl. 00:36]

Ekkert fáum við Skagfirðingar lengur að hafa í friði, ekki einusinni Rónald!

Bévítans frekja að skemma þetta svona fyrir manni. Mér finnst ég líka allt í einu orðin svo ómerkilega ættsmá. Bara ferlega ómerkileg yfirhöfuð. Smá líka. Það munar nú um minna en náskyldan forseta þegar svoleiðis lagað er viktað. Ég er að hugsa um að henda mér fyrir lest.

Hugsa, hugsa bara.. en ég hugsa að ég geri það samt fyrir rest.